Biełaruskija dyzajniery da Dnia maci źniali kranalnaje VIDEA
Biełaruski brend adzieńnia Normal vypuściŭ piaščotnaje videa da Dnia maci. U prajekcie źnialisia maładyja mamy i ciažarnyja žančyny.
«Ideja zaklučałasia ŭ tym, kab pakazać, nakolki našy mamy mocnyja, niahledziačy na ŭsie ciažkaści, nakolki pryhožy status maciarynstva i što žančyna atrymlivaje, kali stanovicca maci», — raskazała prajektnaja mieniedžarka brenda Nika Sardaran.
Natchnieńniem stała epocha Adradžeńnia i adna ź viadomych karcin taho pieryjadu — «Sikścinskaja madonna» Rafaela.
U kožnaj z žančyn, što źnialisia ŭ prajekcie, svaja historyja. Pra ich jany raskažuć u nastupnych rolikach, jakija rychtuje brend. Chtości zmoh stać maci tolki paśla troch niaŭdałych ciažarnaściaŭ, chtości sutyknuŭsia z paślarodavaj depresijaj. Inšyja hieraini padzielacca pra toje, jakoje ščaście być šmatdzietnaj i čakać małoje i nazirać za tym, jak źmianiajecca tvajo cieła i vobraz dumak.