Łukašenka prapanavaŭ pravieści sustreču Zialenskaha i Pucina na samicie SND
president.gov.by
Alaksandr Łukašenka prapanavaŭ pravieści sustreču rasiejskaha lidara Uładzimira Pucina ź jaho ukrainskim kaleham Uładzimiram Zialenskim u ramkach samita SND. Pra heta paviedamlaje «RBK-Ukraina».
«Što było b drennaha, kali b ciapierašni prezident Ukrainy, a jon razumny, narmalny čałaviek, siońnia prysutničaŭ u nas. U jaho b nie było prablemy sustrecca tut z prezidentam Rasii, pra sustreču ź jakim jon šmat ciapier kaža», — ličyć biełaruski kiraŭnik.
Jon sa škadavańniem adznačyŭ, što padobnaja sustreča stała niemahčymaj z-za rašeńnia byłoha prezidenta Ukrainy Piatra Parašenki vyjści sa składu SND. Łukašenka raskazaŭ, što zaklikaŭ ukrainskaha lidera nie pakidać sadružnaść, bo heta pryniasie «niehatyŭnyja nastupstvy» Ukrainie.
Uładzimir Pucin rehularna ŭdzielničaje ŭ samitach SND. Tak aficyjny pradstaŭnik Kramla Dźmitryj Piaskoŭ prakamientavaŭ ideju ab mahčymaj sustrečy rasijskaha i ŭkrainskaha prezidentaŭ na samicie, vyłučanuju Łukašenkam.
Učora Zialenski zajaviŭ, što nie viedaje, ci mahčymaja jaho sustreča z Pucinym. Zialenski ličyć, što «ŭsio suprać» jaho sustrečy z Pucinym.
