U Biełarusi pačałasia vakcynacyja ad hrypu. Kolki kaštuje i dzie zrabić?
Vakcyny dla prafiłaktyki hrypu, pačynajuć dziejničać praz tydzień-druhi. Ich efiektu chapaje amal na paŭhoda. Tamu kampanii vakcynacyi ŭ Biełarusi pačynajucca ŭ kastryčniku, kab zimu ź jaje prastudami čałaviek sustreŭ u poŭnym uzbrajeńni.
Pres-sakratarka Ministerstva achovy zdaroŭja Julija Baradun raskazała «Našaj Nivie», što sioleta zakuplena čatyry vidy vakcyn.
«Biaspłatna budzie rabicca vakcyna rasijskaha pachodžańnia «Hrypoł plus», na płatnaj asnovie — francuzskija vakcyny «Vaksihryp» i «Vaksihryp Tetra», a taksama niderłandskaja vakcyna «Influvak».
Biaspłatna ŭ Biełarusi pryščaplajuć školnikaŭ, studentaŭ, ludziej, starejšych za 65 hadoŭ, ludziej z chraničnymi chvarobami, dziaciej da troch hadoŭ, ludziej ź imunasupresijaj, miedycynskich rabotnikaŭ, a taksama supracoŭnikaŭ siłavych struktur.
U zaležnaści ad palikliniki i miedycynskaha centra ceny pryščepak vahajucca ad 8 da 21 rubla. Nahadajem, što płatna pryščapicca ad hrypu vakcynami jeŭrapiejskich vytvorcaŭ možna ŭ kožnaj dziaržaŭnaj paliklinicy, hetaja pracedura prostaja i vakcyny tyja samyja, što i ŭ pryvatnych miedycynskich centrach.
