Biełaruś nie razhladała mahčymaść zakupki jadziernaha paliva ŭ ZŠA
Prapanovu ZŠA ab pastaŭkach jadziernaha paliva dla BiełAES pakul nie abmiarkoŭvałasia. Pra heta zajaviŭ ministr enierhietyki Biełarusi Viktar Karankievič na palach Energy Expo 2019, piša Tut.by.
Ministr enierhietyki raspavioŭ ab chodzie budaŭnictva BiełAES.
— Raboty viaducca na ŭsich budynkach i zbudavańniach, pieršy błok maje vysokuju stupień hatoŭnaści, praktyčna zavieršany budaŭniča-mantažnyja raboty, iduć naładačnyja pracedury, viaducca priedpuskavyja apieracyi, — paviedamiŭ Karankievič.
Jon taksama zajaviŭ, što pa pastaŭkach jadziernaha paliva idzie praca «u adpaviednaści z technałahičnymi pracesami, usie rychtujecca, kab atrymać dazvolnyja dakumienty na zavoz paliva».
Kamientujučy vykazanaje napiaredadni namieśnikam ministra enierhietyki ZŠA Rytaj Baranuoł prapanovu ab pastaŭkach jadziernaha paliva na BiełAES, Viktar Karankievič skazaŭ, što pakul heta nie abmiarkoŭvałasia.
— Heta novaja infarmacyja, ja nie hatovy jaje prakamientavać, — skazaŭ jon. Karankievič zaklikaŭ dačakacca zavozu paliva i ŭvodu AES u ekspłuatacyju. — Usie pytańni dalejšaj ekspłuatacyi budziem razhladać potym. Pakul heta nie abmiarkoŭvałasia.
Jak raniej paviedamlałasia, paliŭnaja kampanija «Rasatama» AT «ciepłavydzialajučych elemientaŭ» i Biełaruskaja AES zaklučyli kantrakt na pastaŭku jadziernaha paliva na dva enierhabłoki BiełAES. Košt kantrakta nie raskryvajecca.