U elitnym pasiołku pad Minskam DAI spyniła «Falksvahien» z 9-hadovym kiroŭcam
5 kastryčnika ŭ vioscy Valarjanava pa vulicy Łahojskaj uvahu inśpiektaraŭ DAI UUS Minabłvykankama pryciahnuŭ aŭtamabil «Falksvahien», jakim kiravała dzicia, piša pres-słužba UUS Minabłvykankama.
Było vyśvietlena, što baćka 9-hadovaha chłopca vyrašyŭ navučyć syna kiravać aŭto. Sam baćka siadzieŭ pobač, na piarednim pasažyrskim siadzieńni.
U dačynieńni da baćki składzieny administracyjny pratakoł za pieradaču prava kiravańnia asobie, jakaja nie maje pravoŭ. Materyjały pieradadzienyja dla dalejšaha razhladu ŭ inśpiekcyju pa spravach niepaŭnaletnich.
Zhodna z zakanadaŭstvam, navučańnie ŭ aŭtaškole mohuć prachodzić hramadzianie, jakija dasiahnuli 16-hadovaha vieku. Navučańnie ŭ indyvidualnym paradku dazvalajecca tolki na placoŭkach abo aŭtadromach, zakrytych dla darožnaha ruchu.