Premjer-ministr Danii prymusiła parłamient paśmiajacca z historyi pra siabroŭstva słana i viarbluda — śmiešnaje VIDEA
U siecivie dzielacca śmiešnym videa z udziełam premjer-ministra Danii Mete Frederyksen, jakaja pradstaŭlała ŭ parłamiencie novy zakon ab pryvatnym cyrku. Kiraŭnička ŭrada nie mahła nie raśśmiajacca, kali raspaviała pra siabroŭstva słanichi i viarbluda.
Videa pra incydent dastupna na Youtube. Frederyksen raspaviadaje parłamientaryjam pra kuplu słanoŭ z pryvatnych cyrkaŭ, dzie ich zabaroniena trymać pavodle novaha zakona. Robiačy heta, jana zhadvaje historyju viarbluda pa mianušcy Ali, jaki byŭ mocna zakachany ŭ adnu sa słanich i nie chacieŭ jaje adpuskać. Urešcie urad pavinien byŭ vykupić i słanichu, i viarbluda.
Hety epizod padajecca premjeru vielmi śmiešnym, i jana spačatku sprabuje nie śmiajacca. Adnak u rešcie rešt jana śmiajecca. Razam ź joj śmiajucca i dackija parłamientaryi.
