Bi-bi-si: Śviatary ŭ Iraku pastaŭlajuć dziaŭčat klijentam
Śviatary ŭ Iraku patranujuć i sami arhanizoŭvajuć zaniatki prastytucyjaj pry dapamozie šyickaj praktyki časovaha «šlubu dla zadavalnieńnia», vyśvietlili žurnalisty Arabskaj słužby Bi-bi-si.
U chodzie rasśledavańnia pad prykryćciom žurnalisty vyśvietlili, što bolšaść isłamskich śviataroŭ, jakija pracujuć u tak zvanych šlubnych ahienctvach pry najbujniejšych miačeciach Bahdadu, hatovyja arhanizavać «šlub dla zadavalnieńnia». U niekatorych vypadkach taki «šlub» doŭžycca ŭsiaho tolki hadzinu i vykarystoŭvajecca prosta dla seksu. U niekatorych vypadkach muła byŭ hatovy «ažanić» darosłaha mužčynu ź dziaŭčynkaj dzieviaci hadoŭ.
Śviatary taksama mohuć dać «žonku» dla takoha časovaha šlubu.
Jak vynikaje ź filma-rasśledavańnia, źniataha žurnalistami, hetyja kliryki pa sutnaści vykonvajuć funkcyi sutenioraŭ.
«Šlub dla zadavalnieńnia»
Časovy šlub, jaki paznačajecca arabskim słovam mut'a, — davoli sprečnaja šyickaja praktyka niadoŭhaha sajuza, za jaki žančynie płaciać hrošy. U sunickaha hramadstvie padobnuju funkcyju vykonvaje inšy abrad, tak zvany miziar.
Jak miarkujecca, pačatak hetaj tradycyi pakłała dazvoł mužčynam-musulmanam časova «ažanicca» padčas padarožžaŭ. Siońnia mut'a pieratvaryŭsia ŭ miechanizm, jaki lehalizuje karotkačasovyja pałavyja suviazi. U kołach isłamskich bahasłovaŭ iduć sprečki — krytyki ličać, što hety zvyčaj lehitymizuje prastytucyju i što ŭ časovaha šlubu pavinna być niejkaja minimalnaja praciahłaść.
Žurnalisty Bi-bi-si ŭ Iraku i Brytanii praviali 11-miesiačnaje rasśledavańnie. Jany zdymali relihijnych dziejačaŭ na ŭtojenuju kamieru, sustrakalisia z žančynami, jakija padvierhlisia seksualnaj ekspłuatacyi, i z mužčynami, płata za pošuk «žonak dla zadavalnieńnia».
Paśla piatnaccaci hadoŭ vajny ŭ Iraku šmat udoŭ i jašče bolš — biežanak. Šmat kamu ź ich prychodzicca ŭstupać u časovyja šluby, kab vybracca z halečy.
Raspaŭsiudžanaść
Žurnalisty vyśvietlili, što časovyja šluby šyroka dastupnyja ŭ vakolicach dvuch najvažniejšych šyickich śviatyń ŭ Iraku.
U razmovie ź dziesiaćciu śviatarami miačeci Chadzimija, adnoj z samych važnych u šyizm, vosiem ź ich vykazali hatoŭnaść zaklučyć «šlub zadavalnieńnia», piaciora nie piarečyli suprać zaklučeńnia takoha šlubu z 12-13 hadovymi dziaŭčynkami.
Aŭtary filma taksama pahavaryli z čatyrma śviatarami ŭ horadzie Kierbieła, kudy ściakajucca pałomniki-šyity z usiaho śvietu. Dvoje ź ich nie piarečyli suprać zaklučeńnia šlubu ź dziciom.
Čatyroch śviataroŭ zdymali na schavanuju kamieru. Troje byli hatovyja znajści žančyn dla karotkačasovaha «šlubu», dvoje ź ich prapanoŭvali jašče i małaletnich.
Bahdadski muła Said Raad patłumačyŭ reparcioru Bi-bi-si, jaki pracavaŭ pad prykryćciom, što pa zakonach šaryjatu šluby dla zadavalnieńnia mohuć doŭžycca roŭna stolki, kolki choča mužčyna.
«Mužčyna moža ŭziać u žonki lubuju kolkaść žančyn. Ź dziaŭčynaj možna ažanicca na paŭhadziny, i adrazu paśla taho jak šlub zavieršany, možna adrazu brać u žonki nastupnuju».
Ad dzieviaci i bolš
Kali žurnalist spytaŭ jaho, ci dapuścimy «šlub zadavalnieńnia» ź dziciem, adkazam było: «Prosta hladzicie, kab jana nie straciła cnatlivaść».
«Vy možacie jaje łaščyć, lažać ź joj, kranać jaje cieła, jaje hrudzi … Vy nie možacie ŭvachodzić u jaje śpieradu, ale analny seks dapuścimy», — dadaŭ muła. Na pytańnie, što budzie, kali dziaŭčyncy stanie baluča, jon pacisnuŭ plačyma: «Ci zmoža jana vynieści bol — heta zastaniecca pamiž vami».
Śviatara z Kierbieła pa imieni Šejch Sałavi žurnalist spytaŭ pra toje, ci možna jamu zaklučyć mut'a z 12-hadovaj dziaŭčynkaj. «Tak, ad dzieviaci i bolš — nijakich prablem tut niama. Pa šaryjatu heta nie prablema», — adkazaŭ Sałaviej.
Jak i Said Raad, jon tolki adznačyŭ, što važna zachavać cnatlivaść dziaŭčynki. Piaščota i analny seks dapuščalnyja pry zhodzie dziciaci, skazaŭ jon i praź niekatory čas dadaŭ: «Rabicie ŭsio, što pažadajecie».
Šlub pa telefonie
Kab daviedacca praceduru zaklučeńnia časovaha šlubu, reparcior u hutarcy z Saidam Raadam raspavioŭ ab vydumanaj 13-hadovaj dziaŭčyncy pa imi Šaima, ź jakoj chacieŭ ustupić u mut'a. Rolu «Šaimy» vykonvała žurnalistka Bi-bi-si.
Saidu Raadu nie spatrebiłasia sustrakacca z baćkami «Šaimy». Šlub jon zaklučyŭ pa telefonie, z taksi, u jakim jechaŭ razam z reparcioram.
«Zhodna ty, Šaima, na šlub z hetym mužčynam za płatu 150 tysiač dynaraŭ (125 dalaraŭ) u dzień?» — spytaŭ muła Šaimu žurnalistku. Paśla taho jak ekspres-cyrymonija zaviaršyłasia, jon abviaściŭ: «Ciapier vy muž i žonka, i vam možna być razam».
Z reparciora za hetuju cyrymoniju śviatar uziaŭ 200 dalaraŭ. Los «Šaimy» jaho, zdajecca, nie zanadta turbavaŭ.
Pad prykryćciom relihii
Žurnalisty pahutaryli z žanatym mužčynam, jaki rehularna karystajecca pasłuhami śviataroŭ dla zaklučeńnia časovych šlubaŭ. «12-hadovyja vielmi ceniacca, jany jašče «śviežyja». Takaja abyjdziecca doraha — 500, 700, 800 dalaraŭ. I heta tolki taja suma, jakaja dastaniecca mule», — tłumačyć jon.
Hety mužčyna ŭpeŭnieny, što pastupaje ŭ adpaviednaści z zakonami svajoj relihii. «Kali muła kaža, što šlub dla zadavalnieńnia — heta chalal, heta nie ličycca hrachom».
Aktyvistka Janar Machamied, jakaja kiruje sietkaj prytułkaŭ dla žančyn u Iraku, kaža, što ŭ takich situacyjach da žančyn staviacca jak da tavaru, a nie jak da ludziej.
«Karystacca tavaram vyznačanym sposabam nie zabaraniajecca. Ale cnatlivaść zachoŭvajuć dla vialikaj ździełki, jakaja im treba budzie», — kaža jana. Pad «vialiki ździełkaj» razumiejecca šlub.
Dziaŭčyna, jakaja straciła cnatlivaść, ličycca nieprydatnaj dla šlubu. Joj moža navat pahražać śmierć ad ruk svajoj ža siamji za toje, što jana «naklikała hańbu na svoj rod».
«Raspłačvajucca za heta zaŭsiody tolki žančyny i dziaŭčynki», - kaža Janar Machamied.
Suteniorstva
Žurnalistam udałosia zapisać schavanaj kamieraj śviataroŭ, jakija prapanoŭvali dastać dla ich zusim junych dziaŭčat.
Akramia taho, jany pahavaryli z adnoj z takich dziaŭčat, jakaja śćviardžaje — i ŭ jaje jość śviedki, — što muła zrabiŭ jaje prastytutkaj.
Taksama aŭtary filma źniali na ŭtojenuju kamieru śviatara, jaki prapanoŭvaŭ reparcioru maładuju žančynu dla 24-hadzinnaha časovaha šlubu. Pa sutnaści hety muła vystupiŭ u roli suteniora.
Kali reparcior admoviŭsia ŭstupać u «šlub zadavalnieńnia», śviatar vykazaŭ zdahadku, što jamu patrebna zusim junaja dziaŭčyna, i padachvociŭsia znajści takuju.
Hańbavańnie
Hait Tamimi, u minułym vysokapastaŭleny šyicki bahasłoŭ, byŭ vymušany pakinuć Irak z-za taho, što krytykavaŭ fundamientalizm. Ciapier jon žyvie ŭ Łondanie.
Jon asudžaje śviataroŭ, jakija błasłaŭlali časovyja šluby, asabliva tych, chto prapanoŭvaje mužčynam zusim junych dziaŭčat. «Toje, pra što kaža hety čałaviek, - złačynstva, jakoje karajecca pa pa zakonie», - ličyć jon.
Niekatoryja šyickija prapaviedniki śćviardžajuć, što zakony šaryjatu dazvalajuć seks ź dziećmi. Tamimi zaklikaje lidaraŭ šyickaha isłamu asudžać hetuju praktyku.
Dvoje z troch śviataroŭ, zapisanych Bi-bi-si na ŭtojenuju kamieru, nazyvajuć siabie paśladoŭnikami vialikaha ajatały Ali Sistani, jaki ličycca duchoŭnym pravadyrom irakskich šyitaŭ.
Ale voś što zajaviŭ Bi-bi-si sam Ali Sistani: «Kali heta adbyvajecca tak, jak vy apisvajecie, to my heta biezumoŭna asudžajem. Časovy šlub nie pavinien być instrumientam prodažu seksu i nie pavinien vykarystoŭvacca dla prynižeńnia žančyn».
Prakamientavaŭ vyniki rasśledavańnia i pradstaŭnik irackaha ŭradu: «Kali žančyny nie zajaŭlajuć u palicyju na hetych śviataroŭ, to ŭładam ciažka što-niebudź zrabić».
