U Amierycy ŭzłomščyk prabraŭsia u čužy dom, zrabiŭ dva buterbrody i paprasiŭ haspadara prybracca za im
Niezvyčajny vypadak adbyŭsia ŭ štacie Kientuki, uzłomščyk prakraŭsia na kuchniu ŭ čužym domie, zrabiŭ dva buterbrody z majanezam i paprasiŭ haspadara prybracca za im. Pra heta paviedamlaje sajt WYMS.
Incydent adbyŭsia ranicaj 28 vieraśnia ŭ pryharadzie Łondana na poŭdni štata. Haspadar doma pračnuŭsia ad dziŭnych hukaŭ. Vyjšaŭšy na kuchniu, mužčyna pabačyŭ tam nieznajomaha čałavieka, jaki rychtavaŭ buterbrody z majanezam. Zatym nieznajomiec paprasiŭ haspadara prybrać za im biesparadak i źbieh da prybyćcia palicyi. Paśla siabie jon pakinuŭ kubak kavy, drobiaź i kašalok z dakumientami.
Haspadar doma apisaŭ palicyi padazravanaha jak čałavieka rostam kala 180 santymietraŭ i vahoj kala 100 kiłahramaŭ.
Palicyjanty ličać, što ŭzłomščyk, chutčej za ŭsio, nie ŭjaŭlaje pahrozy dla navakolnych. Jany majuć namier znajści złačynca pa pakinutych im dakumientach i atrymać order na aryšt.
