Łukašenka zbałansavaŭ «zialonuju» enierhiju svaim novym ukazam
Alaksandr Łukašenka padpisaŭ ukaz numar 357 «Ab adnaŭlalnych krynicach enierhii», paviedamlaje BiełTA.
Dakumient nakiravany na zbałansavanaje raźvićcio ŭsich vidaŭ hienieracyi elektraenierhii z ulikam uvodu ŭ ekspłuatacyju Biełaruskaj AES.
Ukaz praduhledžvaje prymianieńnie pry stvareńni, rekanstrukcyi, madernizacyi ŭstanovak, jakija pracujuć z vykarystańniem adnaŭlalnych krynic enierhii, tolki novaha abstalavańnia i kuplu elektraenierhii ad hetych ustanovak pa stymulujučych kaeficyjentach, dastatkovych dla akupnaści inviestycyj. Pry pieravyšeńni zajaŭlenych terminaŭ budaŭnictva takich ustanovak nabyćcio elektraenierhii ad ich budzie ažyćciaŭlacca pa mienšych kaeficyjentach.
Jurydyčnym asobam i indyvidualnym pradprymalnikam budzie pradastaŭlena mahčymaść pieradačy elektraenierhii ad adnaŭlalnych krynic enierhii pa sietkach dziaržaŭnych enierhazabieśpiačalnych arhanizacyj, a taksama stvareńnia biez kvot ustanovak, jakija pracujuć z vykarystańniem adnaŭlalnych krynic enierhii, dla enierhietyčnaha zabieśpiačeńnia svajoj haspadarčaj dziejnaści.
