U staličnym transparcie źjavilisia novyja tałony — z bolšaj stupieńniu abarony
Dla prajezdu ŭ naziemnym hramadskim transparcie stalicy ŭžo vykarystoŭvajucca novyja tałony, paviedamili «Minsk-Navinam» u «Minsktransie».
— Novyja tałony na naziemny transpart majuć bόlšuju stupień abarony. Tak, na biełym poli vonkavaha boku dadatkova naniesienyja niekalki žoŭtych pałosak. Koleravaja hama źmianiłasia niaznačna, dyzajn kvitkoŭ zastaŭsia raniejšym, — adznačyła hałoŭny ekanamist filijała «Ahienctva Minsktrans» Aksana Nikolenka. — Novyja tałony pastupova zamieniać kvitki staroha ŭzoru pa miery ich realizacyi. Košt prajezdu nie źmianiŭsia: 60 i 75 kapiejek (aŭtobus-ekspres) pry kupli ŭ kijoskach i kasach «Minsktransa», «Biełsajuzdruku» i inšych arhanizacyj, 65 i 80 kapiejek adpaviedna — u kiroŭcy.
Jana taksama dadała, što ŭ siarednim u stalicy na praciahu miesiaca pradajecca kala piaci miljonaŭ prajaznych tałonaŭ, ale zakaz na ich druk zaŭsiody ažyćciaŭlajecca ź vialikim zapasam. Adnarazovymi kvitkami ŭ haradskim naziemnym transparcie karystajucca kala 40% pasažyraŭ.