MZS Biełarusi: My z ZŠA chočam chutčejšaha viartańnia pasłoŭ
Palityčnaje rašeńnie viarnuć pasłoŭ ZŠA i Biełarusi ŭ stalicy adzin adnaho «dazvalaje zapuścić praceduru padboru i ŭzhadnieńnia kandydatur u abiedźviuch stalicach», zajaviŭ pres-sakratar MZS Biełarusi Anatol Hłaz na bryfinhu, piša Tut.by
Pavodle jaho słoŭ, hetyja pracedury zojmuć peŭny čas.
— Tamu zajavy, jakija byli zroblenyja, nie aznačajuć, što pasły užo pryznačanyja i zaŭtra prystupiać da pracy. Nakont časavych ramak, ich ciapier składana pradbačyć. Pryznačeńnie pasłoŭ — suvierennaje prava kožnaj krainy, i ja nie ŭpeŭnieny, što dla hetaha spatrebicca praviadzieńnie niejkich kansultacyj abo dadatkovych sustreč.
Pavodle acenak Biełarusi, dla «raskryćcia ŭsiaho patencyjału dvuchbakovych adnosin metazhodna bolš chutkaje viartańnie pasłoŭ», adznačyŭ pres-sakratar MZS.
— Pry hetym my razumiejem, što ŭ siłu situacyi ŭ ZŠA, pracedura pryznačeńnia zajmaje peŭny čas. Razam z tym, važna razumieć, što palityčnaja vola na heta jość, i zaraz pytańnie znachodzicca ŭ techničnaj płoskaści. Hłaz dadaŭ, što ŭ Biełarusi hetyja pracedury zvyčajna prachodziać chutčej, čym u ZŠA.
Nahadajem, u Biełarusi z 2008 hoda niama pasła Złučanych Štataŭ. Jaho miesca zajmaje časovy pavierany ŭ spravach ZŠA.
