Jakuckaha šamana, jaki išoŭ u Maskvu «vyhaniać Pucina», adpravili ŭ psichbalnicu
Jakucki šaman Alaksandr Habyšaŭ, jaki adpraviŭsia pieššu ŭ Maskvu dla «abradu vyhnańnia Pucina», nakiravany ŭ jakucki respublikanski psichanieŭrałahičny dyspansier, paviedamlaje Ministerstva achovy zdaroŭja respubliki.
Habyšaŭ byŭ zatrymany 19 vieraśnia na miažy Buracii i Irkuckaj vobłaści.
U balnicy ź im praviaduć «ekśpiertnyja mierapryjemstvy». «U vypadku kali ŭ dadzienaha pacyjenta buduć vyjaŭleny patałohii, my hatovyja akazać kvalifikavanuju miedycynskuju dapamohu. Pry nieabchodnaści mohuć być pryciahnutyja sacyjalnyja słužby», — havorycca ŭ pres-relizie viedamstva.
Alaksandr Habyšaŭ — žychar Jakucka, jaki nazyvaje siabie «šamanam-vajarom». U sakaviku 2019 hoda jon pačaŭ piešy pachod u Maskvu, kab pravieści «abrad vyhnańnia Pucina». Pa darozie da Habyšava dałučajucca prychilniki. Jon płanuje dajści da stalicy ŭ 2021 hodzie.