Mazyranka paprasiła sužyciela vyvieści kłapoŭ — mužčyna vyliŭ rastvor va ŭnitaz, a žančynu pabiŭ
55-hadovy mazyrčuk pabiŭ svaju 37-hadovuju sužycielku. Kryminalnuju spravu zaviali pa artykule «Pahroza zabojstvam».
U adnoj z mazyrskich kvater pamiž sužycielami, što vychoŭvajuć dvuchhadovaje dzicia, adbyŭsia kanflikt. 37-hadovaja žančyna paprasiła 55-hadovaha nieaficyjnaha muža vyvieści kłapoŭ, pakul jany z dačkoj buduć hulać na vulicy. Viarnuŭšysia, haspadynia kvatery vyjaviła, što sužyciel prośbu nie vykanaŭ, a śpiecyjalna pryhatavany dla nasiakomych rastvor vyliŭ va ŭnitaz. Pačałasia svarka, jakaja pierarasła ŭ rukaprykładstva. Mužčyna žorstka pabiŭ svaju partniorku. Jana źviarnułasia ŭ milicyju. Na momant zdareńnia mužčyna znachodziŭsia ŭ stanie ałkaholnaha apjanieńnia. Pabitaja žančyna da hetaha času nie daravała svajmu kryŭdzicielu. Jon u svaim učynku nie raskajvajecca, kaža — zasłužyła.
