Nafta za niekalki chvilin patańnieła na 5%
Suśvietnyja ceny na naftu rezka źnizilisia — cana barala nafty marki Brent za niekalki chvilin źniziłasia bolš čym na 5%, dasiahnuŭšy na minimumie adznaki $ 64,5. U paraŭnańni z zakryćciom učorašnich tarhoŭ košt barala Brent źniziŭsia na 6,54%, paviedamlaje RBK.
Padobnuju dynamiku pakazali i kaciroŭki nafty marki WTI — cana jaje barala ŭpała da $ 59,28, što na 5,4% nižej za ŭzrovień zakryćcia papiarednich tarhoŭ.
Padzieńnie suśvietnych cen na naftu paśledavała za ich rezkim rostam, spravakavanym atakaj jemienskich paŭstancaŭ-chusitaŭ na naftavyja abjekty ŭ Saudaŭskaj Aravii. 16 vieraśnia cana barala Brent uzdymałasia da $ 71,95, što amal na 20% pieravysiła ŭzrovień zakryćcia apošnich tarhoŭ papiaredniaha tydnia. Pa vynikach paniadziełka tarhi zakrylisia z pryrostam cany Brent na 14,61%.