Łukašenka: Nie chaciełasia b, kab na našaj ziamli znoŭ zapachła palenym
Pra heta Alaksandr Łukašenka zajaviŭ siońnia ŭ Minsku na sustrečy z namieśnikam dziaržaŭnaha sakratara ZŠA pa palityčnych pytańniach Devidam Chejłam, pieradaje BIEŁTA.
«Niadaŭna źjaviłasia abnadziejlivaja, dobraja infarmacyja, źviazanaja z rakietami siaredniaj i mienšaj dalokaści.
Nas heta chvaluje, tamu što Biełaruś źjaŭlajecca ŭdzielnicaj dahavora (Dahavor ab likvidacyi rakiet siaredniaj i mienšaj dalokaści). Dahavor na siońniašni dzień praktyčna razburany, ale źjavilisia zajavy ab tym, što ni NATA, ni Rasija nie źbirajucca raźmiaščać u Jeŭropie hetyja rakiety», - skazaŭ Prezident.
«Ja ŭ svaju čarhu niadaŭna skazaŭ ab tym, što my ni ŭ jakim razie nie budziem inicyjatarami niadobrych spraŭ pa razbureńni hetaha dahavora. Bolš taho, my nikoli nie staniem takija rakiety raźmiaščać na terytoryi Biełarusi dla taho, kab uskładniać abstanoŭku (kali heta nie pahražaje našaj biaśpiecy). Ale hetyja dźvie zajavy - z Zachadu i z Uschodu - pierakonvajuć mianie ŭ tym, što nam nie daviadziecca ŭ Biełarusi źviartacca da krajnich mier. Na heta ŭ nas niama ni žadańnia, ni lišnich hrošaj», - padkreśliŭ biełaruski kiraŭnik.
Jon dadaŭ, što ŭ apošniaj vajnie Biełaruś straciła treć nasielnictva, pryčym zmahałasia suprać ahresara ŭ tym liku razam z ZŠA. «Nam nie chaciełasia b, kab znoŭ na terytoryi našaj Biełarusi zapachła palenym», - skazaŭ Alaksandr Łukašenka.
