Staršynia «Matčynaha ruchu 328» idzie ŭ deputaty ad sacyjał-demakrataŭ
Staršynia hramadskaha abjadnańnia «Matčyn ruch 328» Łarysa Žyhar 16 vieraśnia praviała svoj pieršy pikiet kala MC «Hrodna». Jana bałatujecca ŭ 49-j Zaniomanskaj akruzie — heta rajon Foluša, vulic Suvorava, Repina ŭ Hrodnie, piša Hrodna.life
Łarysie Žyhar 59 hadoŭ, jana piensijanierka, aktyvistka i siabra Biełaruskaj sacyjał-demakratyčnaj partyi «Hramada».
— Ja pierš za ŭsio źjaŭlajusia kiraŭnikom hramadzianskaj inicyjatyvy «Matčyn ruch 328». Ja pajšła ŭ kandydaty ŭ deputaty ŭ Pałatu pradstaŭnikoŭ ad Biełaruskaj sacyjał-demakratyčnaj partyi «Hramada», u jakuju ja ŭvachodžu kala hoda. Mianie vyłučyli maje paplečniki pa partyi, — raspaviadaje Łarysa Žyhar. Raspaviadać ab prahramie i płanach jana pakul nie maje prava — heta abmiežavańnie zakanadaŭstva.
Jana spadziajecca sabrać hałasy i robić staŭku na moładź.
