Kazachstan nie vyklučaje padpisańnia padčas vizitu Łukašenki ŭ Nur-Sułtan pahadnieńnia ab pastaŭkach nafty
Kazachstan raźličvaje na dalejšaje pahłybleńnie dvuchbakovaha ŭzajemadziejańnia ŭ vyniku vizitu ŭ kastryčniku ŭ Nur-Sułtan Alaksandra Łukašenki. Pra heta paviedamiŭ siońnia na pres-kanfierencyi pasoł Kazachstana Askar Biejsienbajeŭ, piša BiełTA.
Pasoł raskazaŭ, što kazachstanski bok u ciapierašni čas aktyŭna rychtujecca da vizitu kiraŭnika biełaruskaj dziaržavy. «U čas pryjezdu Alaksandra Łukašenki ŭ Kazachstan namiačajecca vialiki biznes-forum, padčas jakoha čakajecca padpisańnie šerahu kantraktaŭ», — adznačyŭ jon.
Pavodle słoŭ dypłamata, viaducca taksama pieramovy z «Biełnaftachimam» ab pašyreńni supracoŭnictva ŭ naftavaj śfiery. «I my spadziajemsia, što padčas vizitu Alaksandra Łukašenki ŭ Kazachstan pahadnieńnie budzie padpisana», - skazaŭ Askar Biejsienbajeŭ.
