Łukašenka raspavioŭ, jakim pavinien być novy parłamient
Fota BiełTA
Parłamient pavinien pradstaŭlać usie płasty biełaruskaha hramadstva. Pra heta Alaksandr Łukašenka zajaviŭ siońnia na sustrečy sa staršynioj Pałaty pradstaŭnikoŭ Uładzimiram Andrejčankam, piša BiełTA.
«Budučy parłamient pavinien być lepšy za hety. Kali budzie taki ž ci horšy, značyć niama raźvićcia. Tamu, nie ŭ kryŭdu deputatam skazana, pavinny pryjści ludzi lepšyja, jakija, kali heta treba budzie, paviaduć respubliku napierad», — skazaŭ Alaksandr Łukašenka.
Jon padkreśliŭ, što parłamient pavinien pradstaŭlać usie płasty biełaruskaha hramadstva: ad moładzi da pažyłych ludziej. Na dumku kiraŭnika dziaržavy, prafsajuznyja i hramadskija arhanizacyi, partyi pavinny vyłučyć u parłamient svaich kandydataŭ i adstojvać ich.
«Kali ŭ nas isnujuć sapraŭdnyja apazicyjnyja partyi — i jany pavinny vyłučać svaich kandydataŭ i abaraniać ich u chodzie pieradvybarnaj kampanii.
Heta taksama vielmi važna. Parłamient pavinien pradstaŭlać ŭsie słai našaha hramadstva, kab nie było razmoŭ, što ŭ moładzi tam niama pradstaŭnictva abo ŭ starych svaich deputataŭ. Jany pavinny być, — pierakanany jon. — Jany, moža być, dumajuć niekalki pa-inšamu, čym siarednija płasty nasielnictva, čym pracoŭnyja, sialanie i častka intelihiencyi, ale heta častka našaha hramadstva, my pavinny čuć ich hołas. Heta moj pryncypovy padchod».
Vybary ŭ Pałatu pradstaŭnikoŭ projduć 17 listapada.
