Pad Hrodnam šalony sabaka ŭkusiŭ žančynu
Zdareńnie adbyłosia ŭ vioscy Dubnica Padłabienskaha sielsavieta. Padrabiaznaści «Pierśpiektyvie» raspaviała vieterynar Hrodzienskaj rajvietstancyi Volha Šastavickaja.
Žančyna pačuła kryki svaich husiej, jakija paśvilisia za płotam, i vybiehła na vulicu. Niekalki husiej užo byli zadušanyja, a pobač ź imi biehaŭ sabaka. Viaskoŭka pasprabavała adahnać jaho, kab vyratavać ptušku, ale sabaka schapiŭ jaje za ruku. Na dapamohu padaśpieŭ mužčyna. Jon schapiŭ pałku i ahłušyŭ žyviołu. Pra zdareńnie miascovyja paviedamili ŭ vietsłužby.
Vyniki łabaratornych daśledavańniaŭ paćvierdzili ŭ badziažnaha sabaki šalenstva. Ciapier žančyna prachodzić kurs lačeńnia. U vioscy abvieščany dvuchmiesiačny karancin. Śpiecyjalisty vietsłužby ŭžo praviali ŭ nasielenym punkcie vakcynacyju chatnich žyvioł.
