Znajšli maci, jakaja padkinuła novanarodžanuju dačku ŭ tualet homielskaj balnicy
Supracoŭniki kryminalnaha vyšuku znajšli bijałahičnuju maci dziaŭčynki, jakuju znajšli 15 lipienia ŭ Homielskaj abłasnoj kliničnaj balnicy, paviedamlaje MUS.
Praviaralisia žanočyja kansultacyi, paradzichi vobłaści, až da taho, ci jość novanarodžany doma, albo nie. Na asablivym kantroli byli siemji, jakija znachodziacca ŭ sacyjalna niebiaśpiečnym stanoviščy.
Pa aryjentyroŭcy syščyki Karmianskaha RAUS znajšli maci ŭ Rahačoŭskim rajonie i pieradali kaleham Savieckaha RAUS Homiela. Žančynu dastavili ŭ abłasny centr.
Viadoma, što 27-hadovaja ŭradženka Karmianskaha rajona 9 lipienia naradziła dziaŭčynku na zdymnaj kvatery ŭ Homieli. Dziaŭčynka znachodziłasia z mamaj da 15 lipienia. U hety dzień žančyna pryjšła ŭ abłasnuju kliničnuju balnicu i pakinuła dzicia ŭ prybiralni. Pobač pastaviła pakiet z rečami i zapiskaj.