Łukašenka ŭpeŭnieny ŭ dalejšym raźvićci družalubnych adnosin z AAE
Alaksandr Łukašenka ŭpeŭnieny ŭ dalejšym raźvićci družalubnych adnosin z Abjadnanymi Arabskimi Emiratami.
Pra heta jon zajaviŭ siońnia na pieramovach z naślednym pryncam Abu-Dabi, namieśnikam Viarchoŭnaha hałoŭnakamandujučaha Uzbrojenymi siłami AAE šejcham Muchamiedam bien Zaidam al-Nachajanam, jaki ŭpieršyniu naviedvaje Biełaruś z aficyjnym vizitam, pieradaje BiełTA.
«Nas źviazvajuć daŭnija dobryja adnosiny, bolš za toje —siabroŭskija adnosiny. I ja ščyra rady sustrakać vas u Biełarusi», - padkreśliŭ biełaruski kiraŭnik
Alaksandr Łukašenka kanstatavaŭ, što ŭ adnosinach pamiž dźviuma krainami, niachaj heta budzie ekanomika ci palityka, niama nijakich prablem abo sprečnych pytańniaŭ. «Dumaju, našy adnosiny buduć raźvivacca ŭ takim ža siabroŭskim kirunku. Padmurkam lubych palityčnych adnosin źjaŭlajecca ekanomika, handlovyja adnosiny. Tut nam jość nad čym pracavać. Upeŭnieny, što vaš vizit u Biełaruś nadaść surjoznuju dynamiku ŭ handlova-ekanamičnym, inviestycyjnym aśpiekcie», — skazaŭ kiraŭnik krainy.