U Buda-Kašaloŭskim rajonie na pierapynku pamior 14-hadovy školnik
U vioscy Mikałajeŭka Buda-Kašaloŭskaha rajona zdaryłasia biada. Ranicaj u čaćvier u miascovaj škole pamior 9-kłaśnik, piša kp.by
14-hadovamu chłopčyku stała drenna na pierapynku. U viosku vyklikali chutkuju, ale vyratavać dzicia nie paśpieli. Pravaachoŭniki pravodziać raźbiralnictva.
Jak raspaviali ŭ Mikałajeŭskaj škole, zdareńnie stała šokam dla piedahohaŭ:
— Nichto navat nie moža vykazać zdahadku, što mahło zdarycca. Dzicia dobraje, i siamja narmalnaja, šmatdzietnaja, na dobrym rachunku, — kažuć u škole. — Nie čuli, kab chłopiec kali-niebudź skardziŭsia na zdaroŭje.
Uładzisłaŭ chadziŭ u 9-y kłas razam sa svaim bratam-bliźniukom. Jany — małodšyja dzieci ŭ siamji. A ŭsiaho ŭ siamji vychoŭvali šaściarych dziaciej.
Pryčyna śmierci dziciaci pakul nie viadomaja, pravodziacca ekśpiertyzy.
