Kanapackaja raźvitałasia sa svaim skandalnym pamočnikam Dzianisam Cichanienkam
Pra heta ŭ svaim fejsbuku paviedamiŭ sam Dzianis Cichanienka. «Ad siońnia ja sychodžu ŭ adstaŭku z pasady pamočnika deputata Pałaty pradstaŭnikoŭ Hanny Kanapackaj. Z Hannaj Anatoljeŭnaj u nas adbyłasia pradmietnaja razmova na hetu temu», — napisaŭ Cichanienka.
I sam Cichanienka, i Kanapackaja nie kamientujuć hetaje rašeńnie. «Ja nie budu kamientavać ničoha. Maim pamočnikam praciahvaje zastavacca Viktar Jančurevič», — skazała Kanapackaja.
Dzianis Cichanienka trapiŭ u skandał niekalki dzion tamu. Jon stvaryŭ telehram-kanał @ProtestBY dla moładzi, jakaja była niezadavolenaja papraŭkami ŭ zakon ab pryzyvie.
Cichanienka dapamoh vypracavać płan pratestnaj aktyŭnaści i zapuściŭ zbor srodkaŭ na jaje finansavańnie — srodki pieraličvalisia na jaho rachunak u sistemie PayPal, pryjšło niedzie 1500 rubloŭ.
Dzie ciapier tyja hrošy, nieviadoma. Čat toj Cichanienka vydaliŭ. Moładzi daviałosia stvaryć novuju placoŭku dla abmierkavańnia.
Dzianis Cichanienka naradziŭsia ŭ 1974-m u Minsku. Pa adukacyi — palitołah. Baćka traich dziaciej.