Łukašenka — zamiežnym pasłam: U pieršyja dni zboru podpisaŭ užo vielmi viesieła
Pra heta Alaksandr Łukašenka zajaviŭ siońnia na cyrymonii ŭručeńnia davierčych hramat pasłami zamiežnych dziaržaŭ, pieradaje BiełTA.
«Pačatak vašaj misii supadaje z važnaj palityčnaj padziejaj u krainie — parłamienckimi vybarami. I vy zmožacie asabista pierakanacca, što elektaralnaja kampanija projdzie ŭ strohaj adpaviednaści z nacyjanalnym zakanadaŭstvam i patrabavańniami ahulnapryniatych suśvietnych standartaŭ», — zajaviŭ Alaksandr Łukašenka, źviartajučysia da dypłamataŭ.
Kiraŭnik dziaržavy zaŭvažyŭ, što Zachad zaŭsiody paprakaŭ Biełaruś u sumnych elektaralnych kampanijach. Adnak, na dumku Alaksandra Łukašenki, navat u pieršyja dni zboru podpisaŭ «užo vielmi viesieła».
«Pierakanany, što, jakoj by vybar ni zrabiŭ biełaruski narod na karyść tych ci inšych kandydataŭ, heta budzie vybar kursu na dalejšaje budaŭnictva suvierennaj dziaržavy, evalucyjnaje raźvićcio i prymnažeńnie našych dasiahnieńniaŭ», — padkreśliŭ kiraŭnik krainy.
