U Ivanaŭskim rajonie abrabavali dźvie carkvy — vynieśli hrošy i 9 abrazoŭ
Dźvie carkvy abakrali ŭ Ivanaŭskim rajonie, skrali ikony i achviaravańni, paviedamlaje sajt UUS Bresckaha abłvykankama.
Nastajaciel carkvy Śviatoj Paraskievy Sierbskaj u vioscy Ladavičy Ivanaŭskaha rajona paviedamiŭ u milicyju pra toje, što ŭ pieryjad z 14.00 8 vieraśnia da 13.00 10 vieraśnia z chrama byli vykradzieny abraz i hrošy. Na miesca zdareńnia nieadkładna vyjechali supracoŭniki kryminalnaha vyšuku. Pravaachoŭniki vyśvietlili, što złamyśnik adcisnuŭ stvorki škłopakieta, pranik u carkvu i skraŭ hrošy sa skryni dla achviaravańniaŭ, a taksama abraz.
«Praź dźvie hadziny pastupiła jašče adno paviedamleńnie, u hety raz ad nastajaciela chrama Uzvyšeńnia Śviatoha Kryža ŭ ahraharadku Brodnica. Jon raspavioŭ, što nieviadomy z carkvy vykraŭ vosiem abrazoŭ. Pravaachoŭnikami ŭstanoŭlena, što złamyśnik prakraŭsia ŭ chram, sarvaŭšy naviasny zamak ź dźviarej zapasnoha ŭvachodu», — prainfarmavali va UUS.
Pa pieršym fakcie kradziažu supracoŭnikami RAUS pravodzicca pravierka, pa druhim fakcie — kradziažy vaśmi abrazoŭ — zaviedziena kryminalnaja sprava pa č. 1 art. 205 KK.
