Fanataŭ Maksa Karža, jakija prajšli maršam pa Hrodnie, nie buduć karać
Fanataŭ Maksa Karža, jakija prajšli maršam pa Hrodnie, nie buduć pryciahvać da adkaznaści, pra heta paviedamlaje telehram-kanał «Hrodzienskija źlivy». U milicyi dadzienuju infarmacyju paćvierdzili partału TUT.BY.
Šeście prychilnikaŭ Maksa Karža, jakoje prajšło 25 žniŭnia ŭ abłasnym centry, spačatku pryznali niesankcyjanavanaj akcyjaj.
Fota hrodna.life
U toj dzień kala 20 prychilnikaŭ Maksa Karža prajšlisia pa vulicy Savieckaj u Harodni. Takim čynam maładyja haradziency spadziavalisia źviarnuć uvahu svajho kumira i zaprasić jaho ŭ Hrodna, bo apošni raz Maks Korž vystupaŭ tut ažno ŭ 2015 hodzie. Napiaredadni, 24 žniŭnia, u Minsku adbyŭsia kancert vykanaŭcy, na jaki pryjšli kala 35 tysiač hledačoŭ.
— Praz adsutnaść składu administracyjnaha pravaparušeńnia administracyjny praces spynieny, — prakamientavała pres-sakratar MUS Volha Čamadanava.
