U Rasii padčas hałasavańnia pamior kandydat-kamunist
U Vałhahradzie, paśla płanavaha abychodu vybarčych učastkaŭ, pamior 49-hadovy kandydat u deputaty abłasnoj dumy ad KPRF, pałkoŭnik zapasu Vadzim Čyściakoŭ, piša tass.ru.
Paviedamlajecca, što kandydat praviaraŭ čyściniu vybarčaha pracesu i skanaŭ z-za prablem z sercam.
Jašče adzin śmiarotny incydent adbyŭsia na vybarčym učastku ŭ Calinnym rajonie Kurhanskaj vobłaści: pamior 90-hadovy mužčyna, paviedamlaje lenta.ru.
Pa słovach miascovych žycharoŭ, ranicaj u piensijaniera padvysiŭsia cisk, ale niahledziačy na heta jon vyrašyŭ pajści hałasavać. Užo na vybarčym učastku mužčynu stała drenna, jon straciŭ prytomnaść. Miedyki nie zmahli jaho vyratavać.
Papiaredniaja pryčyna śmierci - vostraja sardečna-sasudzistaja niedastatkovaść.
8 vieraśnia ŭ Rasii - adziny dzień hałasavańnia. Vybary roznaha ŭzroŭniu prachodziać u 85 rehijonach.