Nazvany pieramožca Vieniecyjanskaha kinafiestyvalu
Novy film Todda Filipsa «Džokier» atrymaŭ «Załatoha lva Śviatoha Marka» Vieniecyjanskaha kinafiestyvalu. Pra heta paviedamlaje «Lenta.ru».
Cyrymonija ŭznaharodžańnia prajšła ŭ Pałacy kino na vostravie Lido.
Dvuch «Srebnych lvoŭ Śviatoha Marka» za najlepšuju režysuru atrymali Roj Andersan za kinakarcinu «Ab biaskoncaści» i Raman Pałanski za film «Aficer i špijon».
Najlepšym akcioram 76-ha Vieniecyjanskaha kinafiestyvalu pryznany italjaniec Łuka Maryneli, jaki syhraŭ u karcinie «Marcin Iden», a najlepšaj aktrysaj — Aryjana Askaryd, jakaja vykanała hałoŭnuju rolu ŭ filmie «Malitva ŭ imia Boha».
28 žniŭnia ŭ siecivie byŭ apublikavany finalny trejler filma «Džokier» z Chaakinam Fieniksam u hałoŭnaj roli. U filmie taksama syhrali Robiert De Nira, Zazi Bitca, Mark Meron, Frensis Konraj i Šej Uihem. Suśvietnaja premjera adbyłasia 31 žniŭnia na Vieniecyjanskim kinafiestyvali.
Rejtynh karciny skłaŭ 9,7 bała z maksimalnych 10. Pavodle prahnozaŭ, paśla vychadu filma na vialikija ekrany pakazčyk, moža źmianicca. Pry hetym ciapier «Džokieru» ŭdałosia abyjści kinastužku «Ciomny rycar» Krystafiera Nołana, rejtynh jakoj na partale skłaŭ 9 bałaŭ. Akramia taho,»Džokier» pierasiahnuŭ samy kasavy film «Mściŭcy: Finał», jaki acanili ŭ 8,6 bała.