Adzinaje mieniu ŭ škołach Minska źjavicca na nastupnym tydni
Na nastupnym tydni ŭ školnych stałovych Minska novaŭviadzieńnie — adzinaje mieniu z dvuma kompleksami na vybar, pra heta paviedamili BiełTA ŭ Minharvykankamie.
fota «Minsk-Naviny»
U viedamstvie adznačyli, što ŭžo ŭrehulavana pytańnie adzinaha charčavańnia ŭ škołach Minska. U mieniu buduć uklučany dva kompleksy na vybar. Zaraz viaducca abmierkavańni, chto budzie prapanoŭvać i vybirać mieniu. Uličvacca buduć albo dumki baćkoŭ, albo dumki dziaciej, jakija zmohuć źbirać nastaŭniki.
Vučni 5-11 kłasaŭ atrymajuć prava vybirać pamiž kompleksam z supam i bieź jaho. Kolkaść pazicyj u mieniu zastaniecca niaźmiennaj. Porcyi taksama pakul što nie płanujuć pamianšać abo pavialičvać.
Abodva kompleksy buduć adnolkavyja dla ŭsich katehoryj dziaciej. Pry hetym buduć uličvacca mierkavańni školnikaŭ, jakija charčujucca i płatna, i za košt biudžetu.
Zabiaśpiečyć adnolkavaje charčavańnie dla ŭsich dziaciej u škołach zapatrabavaŭ Alaksandr Łukašenka padčas naviedvańnia 2 vieraśnia škoły-novabudoŭli ŭ Minsku.
