Jak u Vaŭkavyskim rajonie vyciahvali z bahny za rohi alenia VIDEA
Žyviołu, jakuju tanuła ŭ dryhvie, pamiž vioskami Boŭbli i Charužava pabačyli žančyny, što išli ŭ les u hryby, paviedamlaje Naš čas.
Dapamahčy niebaraku, što trapiŭ u bałota pa samuju šyju, jany sami nie zdoleli. Pajšli pa dapamohu i na ŭskrajku lesu žančyny sustreli dvuch mužčyn. Heta byli dyrektar Vaŭkavyskaj arhanizacyi palaŭničych i rybałovaŭ i jehier, što «palavali» na brakańjeraŭ.
Ale i ich siłaŭ akazałasia zamała, pryjšłosia źviartacca da inšych palaŭničych tavarystva. Techniku padahnać da bałota było nie mahčyma, tamu pryjšłosia ciahnuć žyviolinu z bahny svaimi siłami.
Ale vyratavanaja žyvioła nie zmahła adrazu ž syści ŭ les - sił u jaje nie zastałosia. Jaje na niejki čas pakinuli pad nahladam, kab amatary lohkaj nažyvy raptam nie ŭčynili raspravu…
Praź niejki čas aleń akryjaŭšy syšoŭ u les, a palaŭničyja abharadzili niebiaśpiečnaje miesca, zakidaŭšy halinkami, kab inšyja źviary raptam nie patrapili ŭ pryrodnuju pastku.
