U 47 hadoŭ. Kaciaryna Karsten zaviaršyła karjeru
minsknews.by
Udzielnica siami Alimpijad Kaciaryna Karsten zaviaršyła karjeru va ŭzroście 47 hadoŭ. Biełaruskaja viaślarka paviedamiła pra heta siońnia na pres-kanfierencyi ŭ Nacyjanalnym alimpijskim kamitecie, piša Tut.by.
Na rachunku Kaciaryny Karsten — dva załatyja miedali Alimpijskich hulniaŭ (Atłanta-1996 i Sidniej-2000), dźvie alimpijskija bronzy Barsiełony-1992 i Piekina-2008, a taksama sierabro Afin-2004. Karsten źjaŭlajecca šaścirazovaj čempijonkaj śvietu i šmatrazovaj pieramožcaj etapaŭ Kubka śvietu. Jana — pieršaja alimpijskaja čempijonka ŭ niezaležnaj Biełarusi.
U lipieni 2019 hoda 47-hadovaja spartsmienka vyjhrała čempijanat Biełarusi pa akademičnym viesłavańni i spadziavałasia adabracca na Alimpijadu-2020. Dla atrymańnia alimpijskaj licenzii na vośmyja hulni ŭ karjery Karsten nieabchodna było patrapić u top-9 na čempijanacie śvietu, što prachodzić u Aŭstryi. Ale biełaruska vymušana prapuściła suśvietnaje pieršynstvo z-za traŭmy.