Kreml nazvaŭ pajezdku Bołtana ŭ Biełaruś unutranaj spravaj Minska
Fota Nadziei Bužan
Kreml rasceńvaje vizit daradcy prezidenta ZŠA pa nacyjanalnaj biaśpiecy Džona Bołtana ŭ Biełaruś jak ŭnutranuju spravu Minska. Pra heta paviedamiŭ žurnalistam pres-sakratar rasijskaha lidara Dźmitryj Piaskoŭ, pieradaje RBK.
Pres-sakratar rastłumačyŭ, što kazać pra ciesnaje supracoŭnictva Minska i Vašynhtona pakul nie prychodzicca. «Heta vizit na rabočym uzroŭni», — padkreśliŭ Piaskoŭ.
Jon taksama prakamientavaŭ infarmacyju, što Minsk razhladaje mahčymaść zakuplać amierykanskuju naftu. Pavodle jaho słoŭ, heta «pytańnie ekanamičnaj metazhodnaści». U toj ža čas, Piaskoŭ nahadaŭ, što partniorstva Maskvy i Minska praciahvajecca, i vykazaŭ upeŭnienaść u dalejšym raźvićci dvuchbakovych adnosin.
27 žniŭnia administracyja prezidenta Biełarusi Alaksandra Łukašenki paćvierdziła padrychtoŭku sustrečy z Bołtanam. Jaho vizit u Minsk adbudziecca nie raniej za čaćvier, 29 žniŭnia, dakładnaja data i farmat sustrečy pakul nie vyznačany.
