Navalny vyśvietliŭ, što vice-mer Maskvy zasakreciŭ daču płoščaj dva hiektary
Rasijski rejestr źmianiŭ infarmacyju pra ŭładalnika dačy ŭ Padmaskoŭi, jakaja naležyć vice-meru Maskvy Alaksandru Harbienku. Pra heta havorycca ŭ rasśledavańni rasijskaha apazicyjaniera Alaksieja Navalnaha.
Dzialanka ziamli płoščaj 19990 kvadratnych mietraŭ, pavodle vypiski z rejestra, naležyć niejkamu Ivanu Ivanaviču Fiodaravu.
Jak adznačyŭ Alaksiej Navalny, numar i data rehistracyi abjekta nieruchomaści supadajuć z raniejšymi danymi pra toje, što dača naležyć Harbienku. Akramia taho, dva susiednija ŭčastki, abjadnanyja z hałoŭnym učastkam, zapisanyja na syna i žonku Harbienki.
Na dačy, pa słovach Navalnaha, raźmieščany dzieviać damoŭ roznaj płoščy, u tym liku 400-mietrovy dom, jakoha niama ŭ dekłaracyi Harbienki.
Alaksandr Harbienka zajmajecca ŭ meryi Maskvy pytańniami rehijanalnaj biaśpieki i infarmacyjnaj palityki.
