Upieršyniu za 28 hadoŭ rasijski fłot atrymaje šeść novych padvodnych łodak
Vajenna-marski fłot (VMF) Rasii ŭ 2020 hodzie ŭpieršyniu za 28 hadoŭ atrymaje ad pradpryjemstvaŭ sudnabudaŭničaj haliny adrazu šeść padvodnych łodak, u tym liku čatyry atamnyja. Pra heta paviedamiła TASS u piatnicu krynica ŭ abaronna-pramysłovym kompleksie RF.
«Zhodna z kantraktami, «Sievmaš» u 2020 hodzie pavinien zdać fłotu pieršuju sieryjnuju padłodku prajekta 955A «Kniaź Aleh» i pieršuju sieryjnuju prajekta 885 M «Novasibirsk». Taksama «Sievmaš» zdaść VMF hałaŭnuju submarynu prajekta 885 M «Kazań» i atamnuju padłodku śpiecpryznačeńnia «Biełharad» prajekta 09852», — skazaŭ surazmoŭca ahienctva. Jon udakładniŭ, što «Biełharad» pastupić u viadzieńnie hałoŭnaha ŭpraŭleńnia hłybakavodnych daśledavańniaŭ Minabarony biez padvodnych aparataŭ «Pasiejdon», tak jak ich vyprabavańni jašče nie zavieršacca.
U svaju čarhu «Admirałciejskija vierfi», raspavioŭ surazmoŭca, zdaduć VMF dźvie dyziel-elektryčnyja padłodki: «Vołchaŭ» prajekta 636.3 i pieršuju sieryjnuju submarynu prajekta 677 «Kranštat», ale sa zvyčajnaj, a nie pavietraniezaležnaj enierhietyčnaj ustanoŭkaj.
