Śpikier parłamienta kormić novanarodžanaha ŭ zale pasiadžeńniaŭ, pakul baćka dziciaci vystupaje z trybuny VIDEA
U Novaj Ziełandyi padčas pasiadžeńnia parłamienta adzin ź śpikieraŭ niańčyŭ dzicia. Videazapisam zacikaviłasia The Telegraph.
Na kadrach bačna, što śpikier parłamienta Trevar Małard trymaje na kaleniach novanarodžanaha. Jon hulaje ź im, kormić jaho z butelečki i pry hetym udzielničaje ŭ dyskusii. Mužčyna vyrašyŭ dapamahčy svajmu kalehu — Tamaci Kofi, jaki ŭ toj momant vystupaŭ z pramovaj.
Normally the Speaker's chair is only used by Presiding Officers but today a VIP took the chair with me. Congratulations @tamaticoffey and Tim on the newest member of your family. pic.twitter.com/47ViKHsKkA
Małard taksama apublikavaŭ fota ź niemaŭlatkam u tvitary i nabraŭ siem tysiač łajkaŭ i paŭtary tysiačy retvitaŭ. Karystalniki ŭ kamientarach adznačyli, što «heta najlepšaje, što jany bačyli za apošnija hady».
«Novaja Ziełandyja, vy, moža, i maleńkaja kraina, ale vaš prykład zdolny natchnić ŭvieś śviet!», — napisaŭ adzin ź ich.
Paviedamlajecca, što dzicia palityku i jaho partnioru Cimu Śmitu naradziła surahatnaja maci, ale pry hetym Tamaci Kofi źjaŭlajecca jaho bijałahičnym baćkam. Inšyja členy parłamienta taksama pachvalili mužčynu za toje, što jon pryjšoŭ razam z novanarodžanym.