Pamior piśmieńnik i ałkaholny mahnat Leanid Dajnieka — aŭtar kultavaha «Miača kniazia Viački»
21 žniŭnia pamior prazaik Leanid Martynavič Dajnieka. Jon pražyŭ 79 hadoŭ.
Pra heta paviedamiŭ u fejsbuku Sajuz biełaruskich piśmieńnikaŭ, siabram Rady jakoj byŭ Dajnieka.
Raźvitańnie adbudziecca ŭ niadzielu ŭ rytualnaj zale na Alšeŭskaha. Pra čas raźvitańnia paviedamiać dadatkova.
Leanid Dajnieka naradziŭsia 28 studzienia 1940 hoda ŭ Źmitraŭcy (siońnia Kličaŭski rajon). Skončyŭ žurfak BDU. Pracavaŭ na viciebskim telebačańni, na Biełaruskim telebačańni. U 1972—1989 — adkazny sakratar časopisa «Maładość», z 1989 — zahadčyk redakcyi paezii vydaviectva «Mastackaja litaratura».
Leanid Dajnieka byŭ aŭtaram knih «Futboł na zaminiravanym poli», «Mieč kniazia Viački», «Śled vaŭkałaka», «Žaleznyja žałudy».
Z 1993 zajmaŭsia pradprymalnickaj dziejnaściu, mieŭ ałkaholny biznes — zasnavaŭ firmy «Pasad» i «BiełPi» (brend «Krambambula» i inšyja).
