Tramp adkłaŭ sustreču z premjeram Danii z-za jaje słoŭ pra Hrenłandyju
Amierykanski prezident Donald Tramp adkłaŭ sustreču z dackim premjer-ministram Mete Friederyksien z-za jaje vykazvańniaŭ ab mahčymaj kupli Złučanymi Štatami Hrenłandyi. Pra heta lidar ZŠA napisaŭ u svaim tvitary.
«Zychodziačy z vykazvańniaŭ premjer-ministra Mete Frederyksien pra toje, što jana nie zacikaŭlena ŭ abmierkavańni pytańnia ab kupli Hrenłandyi, ja adkładaju našu sustreču», - napisaŭ jon. Tramp adznačyŭ, što dackaja premjer zekanomiła šmat srodkaŭ i namahańniaŭ ZŠA i Danii, byŭšy takoj pramoj.
«Ja dziakuju joj za heta i ź nieciarpieńniem čakaju novaha pryznačeńnia sustrečy ŭ budučyni», - dadaŭ kiraŭnik dziaržavy.
Sustreča Tramp i Frederyksien pavinna była adbycca praz dva tydni. Premjer Danii raniej nazyvała ideju prezidenta ZŠA kupić Hrenłandyju absurdnaj i kazała, što vostraŭ nie pradajecca.
