Hałoŭnym ideałoham krainy staŭ 40-hadovy žurnalist z Mahilova
Fota Khotimsk.by.
Namieśnikam kiraŭnika Administracyi prezidenta pa ideałohii i ŚMI pryznačany 40-hadovy mahiloviec Andrej Kuncevič. Raniej jon pracavaŭ namieśnikam staršyni Mahileŭskaha abłvykankama.
«Pavinien skazać, što z karabla na bal. Času dla raskački niama. Bo pieradvybarnaja kampanija — heta i vialikaja ideałahičnaja rabota. A vam pryjdziecca zajmacca pierš za ŭsio kompleksam ideałahičnaj pracy, pačynajučy ad žurnalistyki i zakančvajučy, prosta skažu, lekcyjami ŭ VNU, — adznačyŭ Łukašenka. — Heta samaje słaboje miesca našych dziaržaŭnych słužačych — sustrakacca z moładździu, raspaviadać im pra tuju palityku, jakaja pravodzicca ŭ dziaržavie. Bo naša moładź, u internecie jakaja siadzić, nie zaŭsiody pračytaje ab hetaj palitycy. A kali i pračytajuć, to čaściakom ŭsio navyvarat pierakulena, — raskazaŭ jamu Alaksandr Łukašenka, paviedamlaje BiełTA. —
Internet — heta taksama budzie śfiera ŭ niejkaj stupieni vašaj adkaznaści. I nie z punktu hledžańnia ŭsio začynić i zabaranić.
A vykłaści pazicyju ŭłady, pazicyju prezidenta. Pakul bolš za ŭsio hetym zajmajecca prezident. Jon i budzie zajmacca hetymi pytańniami, ale i peŭnyja słužbovyja asoby, u tym liku vy, a taksama kiraŭnik Administracyi. Pierš za ŭsio vy ŭdvaich pavinny budziecie hetym zajmacca — pracavać ź ludźmi».
Andrej Kuncevič
Naradziŭsia ŭ 1979 hodzie ŭ Mahilovie. Skončyŭ fakultet žurnalistyki Biełaruskaha dziaržaŭnaha ŭniviersiteta (2002) i Akademiju kiravańnia (2007).
Pracavaŭ zahadčykam adździeła listoŭ białynickaj rajonki «Zara nad Drućciu», paśla redaktaram hetaj haziety.
U 2009—2011 — namieśnik staršyni Škłoŭskaha rajvykankama, u 2011—2013 — načalnik upraŭleńnia ideałahičnaj pracy Mahiloŭskaha abłvykankama.
U 2013—2016 — namieśnik staršyni Mahiloŭskaha harvykankama, u 2016—2017 hod — načalnik hałoŭnaha ŭpraŭleńnia ideałahičnaj raboty, kultury i pa spravach moładzi Mahiloŭskaha abłvykankama.
Sa studzienia 2017 hoda pracavaŭ namieśnikam staršyni Mahileŭskaha abłvykankama.
