Zachodni pastaŭščyk admoviŭsia zabiaśpiečvać syravinaj rasijski teleskop
Brytanskaja kampanija admoviłasia pastaŭlać vuhlevałakno dla astrafizičnaj kaśmičnaj absiervatoryi «Śpiektr-M». Pra heta raspaviała namieśnik dyrektara Fizičnaha instytuta RAN Łarysa Lichačova, pieradaje RIA Naviny.
Pavodle słoŭ Lichačovaj, ciažkaści z pastaŭkami pačalisia paśla taho, jak brytanskuju firmu nabyŭ amierykanski ŭładalnik. Jana taksama dadała, što składanaści ŭźnikajuć i ź niekatorymi inšymi pastaŭščykami z ZŠA, adnak byvaje i tak, što zachodnija partniory viartajucca da supracoŭnictva.
Na dadzieny momant vuhlevałakno dla prajekta pastaŭlaje japonskaja hrupa Sumitomo. Syravinu prapitvajuć pa ŭłasnaj technałohii ŭ Navukova-daśledčym instytucie kaśmičnych i avijacyjnych materyjałaŭ. U vyniku atrymlivajecca materyjał prepreh, ź jakoha stvarajucca vysokadakładnyja paneli dla teleskopa.
Rasijski 10-mietrovy kaśmičny teleskop «Śpiektr-M» pryznačany dla daśledavańnia Suśvietu ŭ milimietrovym i infračyrvonym dyjapazonach (na daŭžyniach chval ad 0,02 da 17 milimietraŭ). U 2013 hodzie absiervatoryju płanavałasia zapuścić u 2019-m. U ciapierašni čas start vyznačany na pačatak 2030-ch hadoŭ.