Kamientatar Pavieł Baranaŭ: Sudździa-žančyna znoŭ śviścić afsajd sa spaźnieńniem. Napeŭna, heta fizijałohija
14 žniŭnia telekanał «Biełaruś 5» tranślavaŭ matč na Supierkubak UEFA, dzie hulali kamandy «Livierpul» i «Čełsi», adnak uvaha da matča była asablivaj tamu, što ŭpieršyniu matč takoha ŭzroŭniu sudziła žančyna — francužanka Stefani Frapar.
Pavieł Baranaŭ
Na toje, što matč sudzić amal žanočaja bryhada, nie raz źviarnuŭ uvahu i kamientatar BT Pavieł Baranaŭ razam sa svaim kaleham pa efiry, byłym futbalistam Piatrom Kačuram. Tolki vykazvańni kamientataraŭ byli dziŭnymi. Voś niekatoryja ź ich:
«Sudździa-žančyna znoŭ śviścić afsajd sa spaźnieńniem. Napeŭna, heta fizijałohija».
«Sudździa — žančyna, vidavočna, zachoča čymści zapomnicca, tamu, dumaju, budzie čyrvonaja kartka».
«Nikoli ŭ žyćci tak, napeŭna, nie biehała Stefani».
«Mara luboj žančyny — vyznačyć miežy ŭpłyvu mužčyny».
«U žančyn byvaje ŭsiakaje».
«Vučonyja narešcie zrazumieli, što choča žančyna, ale jana ŭžo pieradumała».
Sam Pavieł Baranaŭ pakul nie patłumačyŭ, čym byli vyklikanyja jaho žarty.
Upieršyniu matč takoha ŭzroŭniu sudziła žančyna. Stefani Frapar vytrymała ekzamien.