Jarmošyna raskazała, jak film «Słuha naroda» paŭpłyvaŭ na biełaruskija vybary
Fota Ramana Pratasieviča
Papularny ŭkrainski kinasieryjał «Słuha naroda» paŭpłyvaŭ na biełaruskija vybary. Pra heta staršynia Centrvybarkama Lidzija Jarmošyna zajaviła na pres-kanfierencyi 14 žniŭnia, piša Jeŭraradyjo.
Pa jaje słovach, u CVK pryjšła zajava ad hramadzianina, jaki choča raskrucicca praź internet. Jon choča sabrać hrošy praz kraŭdfandynh, vyłučycca na ich, a na reštu hrošaj budzie vieści ahitacyju.
«Baču tut upłyŭ filma «Słuha naroda», dzie takim čynam sabrali hrošy na vybarčy zakład kandydatu ŭ prezidenty», — padsumavała Jarmošyna.
Čynoŭnica padkreśliła, što ŭ Biełarusi takaja pracedura nie praduhledžanaja. Finansavaha zakładu pry rehistracyi ŭ Biełarusi nie praduhledžana. A hrošy na vybarčuju možna źbirać tolki paśla rehistracyi kandydatam. Pryčym kraŭdfandynham źbirać hrošy na kampaniju nielha, bo achviaravać hrošy majuć prava tolki hramadzianie Biełarusi. Usie hrošy pavinnyja kantralavacca bankam.
