Łukašenka zaklikaŭ padvoić vytvorčaść ryby
Alaksandr Łukašenka daručyŭ aktualizavać prahramu pa raźvićci rybahaspadarčaj dziejnaści. Adpaviednaje daručeńnie kiraŭnik dziaržavy daŭ siońnia, naviedvajučy ŭ Kaściukovickim rajonie farelevuju haspadarku «Łochva», piša BiełTA
«Čaho my marudzim, čaho baimsia? Technałohii vydatnyja, rynki jość. Treba aktualizavać hetuju prahramu i ŭnieści mnie kankretnyja prapanovy — dzie budziem budavać i što. I jak minimum treba padvoić vytvorčaść ryby, nie tolki na Mahiloŭščynie», — skazaŭ jon.
Kiraŭnik krainy detalova cikaviŭsia pracaj haspadarki: technałohijami, rentabielnaściu, abjomami vytvorčaści, najaŭnaściu rynkaŭ. U pieršuju čarhu kiraŭnika dziaržavy cikavili mahčymaści dalejšaha raźvićcia. «Kali jość, treba rabić chutčej», - skazaŭ jon.
Jak dałažyli kiraŭniku dziaržavy, mahčymaści dla pašyreńnia vytvorčaści majucca. Rybnaja pradukcyja, i ŭ pryvatnaści farel, zapatrabavana jak na ŭnutranym, tak i źniešnich rynkach. U 2019 hodzie čakanaja vytvorčaść ryby ŭ krainie składzie 16,6 tys. ton, u toj ža čas u Biełaruś štohod impartujecca 180 tys. t z ulikam patrebaŭ pierapracoŭki i nastupnaha ekspartu.
