Vučanica aŭtaškoły ŭ Ivanaŭskim rajonie skrała aŭtamabil, kab adpracavać navyki kiravańnia
Fota Bresckaj milicyi
U Ivanaŭskim rajonie 19-hadovaja dziaŭčyna skrała aŭtamabil adnaviaskoŭca, raspačata kryminalnaja sprava, paviedamiła BIEŁTA aficyjny pradstaŭnik UUS Bresckaha abłvykankama Natalla Sacharčuk.
U dziažurnuju čaść Ivanaŭskaha RAUS źviarnuŭsia žychar vioski Laskavičy, jaki zajaviŭ pra ŭhon aŭtamabila «Aŭdzi 100». Uviečary jon pakinuŭ mašynu ŭ dvary, a ranicaj pabačyŭ, što mašyna staić kala prajeznaj častki.
Supracoŭniki kryminalnaha vyšuku ŭstanavili, što skrała mašynu 19-hadovaja adnaviaskoŭka.
Kala dvuch hadzin nočy ŭvahu dziaŭčyny pryciahnuŭ lehkavik, što stajaŭ u dvary. Vyrašyŭšy adpracavać navyki kiravańnia (navučajecca ŭ aŭtaškole Kobryna), z dapamohaj šruboŭki adkryła dźviery, zaviała ruchavik i pajechała katacca. Ranicaj pasprabavała viarnuć aŭtamabil na miesca, ale niešta pajšło nie tak, i joj daviałosia kinuć mašynu ŭzdoŭž darohi.
Zaviedziena kryminalnaja sprava pa č.1 art.214 (vykradańnie transpartnaha srodku), dziaŭčyna zatrymanaja. Va UUS dadali, što anałahičny vypadak zhonu adbyŭsia ŭ hetaj vioscy i ŭ pačatku maja.
