U Niamieččynie palicyja, viertaloty i akvałanhisty šukali źnikłuju ŭ Dunai žančynu. Uvieś hety čas jana siadzieła doma
U Niamieččynie žančynu, jakaja, jak ličyłasia, patanuła ŭ Dunai, paśla šmathadzinnaj pošukavaj apieracyi z pryciahnieńniem viertalotaŭ i akvałanhistaŭ znajšli ŭ biaśpiecy ŭ jaje doma, paviedamlaje DW.
Vyratavalnyja kamandy na praciahu niekalkich hadzin pračesvali Dunaj u pošukach 31-hadovaj žančyny, jakaja nibyta źnikła bieź viestak u race ŭ piatnicu ŭviečary kala bavarskaha horada Noj-Ulm.
Jana zajšła ŭ raku, kab znajści svoj telefon. Vidavočcy źviarnulisia ŭ palicyju paśla taho, jak jana źnikła ŭ chutkaj płyni.
Ułada adpraviła viertaloty, hidrałakatary i pryciahnuła akvałanhistaŭ, kab znajści žančynu, ale da ranicy niadzieli nie znajšła nijakich jaje śladoŭ.
Palicyja paviedamiła, što žančyna zdoleła samastojna dapłyści da bieraha Dunaja paśla taho, jak jana źnikła pozna ŭviečary ŭ piatnicu. Jana nie paviedamiła palicyi pra biaśpiečnaje viartańnie dadomu, i ciapier jaje mohuć čakać nastupstvy.
Telefon tak i nie znajšli.