Školnyja liniejki projduć 2 vieraśnia
Fota Siarhieja Hudzilina
Pieršy zvanok u hetym navučalnym hodzie prahučyć va ŭsich minskich škołach 2 vieraśnia (paniadziełak), paviedamlajuć Minsk-naviny.
— 2 vieraśnia ŭ staličnych škołach i himnazijach adbuducca ŭračystyja liniejki, pryśviečanyja pačatku navučalnaha hoda. Paśla śviatočnych mierapryjemstvaŭ dzieci razyjducca pa kłasach, dzie ŭ ich projdzie pieršy ŭrok, — rastłumačyli ŭ viedamstvie. — Sioleta tema pieršaha zaniatku budzie suhučnaja radkam ź vierša Janki Kupały «Maładaja Biełaruś»: «Zanimaj, Biełaruś maładaja maja, svoj pačesny pasad miž narodami!..»
Sa školnikami buduć razmaŭlać na temu Hoda małoj radzimy, u centry ŭvahi taksama apyniecca i 75-hodździe vyzvaleńnia našaj krainy ad niamiecka-fašysckich zachopnikaŭ. Zhadajuć i jašče adnu znakavuju datu: 45-hodździe prysvajeńnia Minsku zvańnia «Horad-hieroj».