Unačy pad Stoŭbcami DAI pieraśledavała pjanaha na «Žyhulach», stralajučy pa kołach VIDEA
Paviedamleńnie ab pjanym kiroŭcu na aŭtamabili VAZ-21053, pastupiła ŭ milicyju ad vidavočcy, paviedamiła aficyjny pradstaŭnik MUS Volha Čamadanava.
Narad DPS vyjaviŭ aŭtamabil na darozie rajonnaha značeńnia i padaŭ sihnał spynicca. Adnak kiroŭca tolki pavialičyŭ chutkaść, nakiroŭvajučysia ŭ bok trasy M1 «Brest-Minsk-miaža RF».
Na patrabavańni spynicca kiroŭca nie reahavaŭ, ruchaŭsia sa značnym pieravyšeńniem chutkaści, ahresiŭna manieŭravaŭ, nie dazvalajučy siabie apiaredzić, vyjazdžaŭ na ŭzbočynu i raźviarnuŭsia ŭ nienaležnym miescy, stvarajučypahrozu inšym udzielnikam darožnaha ruchu. Było vyrašana vykarystać tabielnuju zbroju.
Praz hučnamoviec kiroŭcu papiaredzili pra namier vykarystać zbroju. Byli zroblenyja dva papieradžalnyja streły ŭ pavietra, paśla — u zadniaje levaje koła. Aŭtamabil spyniŭsia, kiroŭca ź vidavočnymi prykmietami ałkaholnaha apjanieńnia byŭ zatrymany.