Kiraŭnik NATA: ADKB — nie vielmi mocnaja arhanizacyja
ADKB nie ŭjaŭlaje dla NATA surjoznaj pahrozy biaśpieki, zajaviŭ u čaćvier hienieralny sakratar aljansu Jens Stołtenbierh.
U časie vizitu ŭ Aŭstraliju Stołtenbierh uziaŭ udzieł u dyskusii ŭ adnym ź miascovych daśledčych centraŭ. Adzin z udzielnikaŭ zadaŭ pytańnie, ci ŭjaŭlaje ADKB istotnuju pahrozu dla NATA.
«Nie, i pa šerahu pryčyn. U asnoŭnym tamu, što heta nie vielmi mocnaja arhanizacyja. Niekatoryja z krain źjaŭlajucca partniorami NATA. My nie razhladajem jaje jak nakiravanuju suprać nas. Rasija ŭvachodzić u arhanizacyju, ale my nie bačym nijakaj niepasrednaj pahrozy suprać kaho-niebudź z sajuźnikaŭ «, - adkazaŭ Stołtenbierh.
Zapis vystupu pašyryła pres-słužba aljansu.
U Arhanizacyju Damovy ab kalektyŭnaj biaśpiecy uvachodziać Armienija, Biełaruś, Kazachstan, Kyrhyzstan, Rasija i Tadžykistan.
