200 siłavikoŭ sa śviatłošumavymi hranatami šturmujuć rezidencyju Atambajeva
Supracoŭniki pravaachoŭnych orhanaŭ pačali novy šturm rezidencyi eks-prezidenta Kyrhyzstana Ałmaźbieka Atambajeva ŭ siale Koj-Taš Čujskaj vobłaści. Pra heta TASS paviedamili ŭ čaćvier u štabie byłoha kiraŭnika dziaržavy.
«Pačaŭsia jašče adzin šturm rezidencyi, hučać streły i ŭžyvajucca śviatłošumavyja hranaty», — adznačyŭ pradstaŭnik štaba.
Jak udakładniaje RIA Naviny, supracoŭnikaŭ milicyi, jakija pajšli na šturm, kala 200. Im dajuć adpor kala čatyroch socień prychilnikaŭ eks-prezidenta. Pavodle pradstaŭnikoŭ štabu, zbroi ŭ prychilnikaŭ niama, «tolki kamiani i pałki».
Sam Atambajeŭ pa-raniejšamu znachodzicca ŭ svajoj rezidencyi siarod achovy i prychilnikaŭ.
Jak paviedamlajuć infarmahienctvy, padčas šturmu na terytoryi rezidencyi ŭspychnuŭ ahoń.
Usie darohi da siała Koj-Taš zabłakavanyja siłavikami.
