200 сілавікоў са святлошумавымі гранатамі штурмуюць рэзідэнцыю Атамбаева
Супрацоўнікі праваахоўных органаў пачалі новы штурм рэзідэнцыі экс-прэзідэнта Кыргызстана Алмазбека Атамбаева ў сяле Кой-Таш Чуйскай вобласці. Пра гэта ТАСС паведамілі ў чацвер у штабе былога кіраўніка дзяржавы.
«Пачаўся яшчэ адзін штурм рэзідэнцыі, гучаць стрэлы і ўжываюцца святлошумавыя гранаты», — адзначыў прадстаўнік штаба.
Як удакладняе РІА Навіны, супрацоўнікаў міліцыі, якія пайшлі на штурм, каля 200. Ім даюць адпор каля чатырох соцень прыхільнікаў экс-прэзідэнта. Паводле прадстаўнікоў штабу, зброі ў прыхільнікаў няма, «толькі камяні і палкі».
Сам Атамбаеў па-ранейшаму знаходзіцца ў сваёй рэзідэнцыі сярод аховы і прыхільнікаў.
Як паведамляюць інфармагенцтвы, падчас штурму на тэрыторыі рэзідэнцыі ўспыхнуў агонь.
Усе дарогі да сяла Кой-Таш заблакаваныя сілавікамі.