Pierabiŭ sonnuju arteryju i sprabavaŭ uciačy ŭ Rasiju: padrabiaznaści stralby z łuka pad Astraŭcom
3 žniŭnia ŭ Astravieckuju balnicu na rukach prynieśli mužčynu 1977 hoda naradžeńnia, u jaho była prabitaja sonnaja arteryja. Jaho tavaryš 1996 hoda naradžeńnia raspavioŭ, što jany łavili rybu, kali jaho znajomy straciŭ raŭnavahu, zvaliŭsia na sučok i atrymaŭ traŭmu.
Ale pravaachoŭnikam takaja viersija padałasia niepraŭdapadobnaj, piša UUS Hrodzienskaj vobłaści.
Čytajcie taksama: Pad Astraŭcom mužčynu ŭ lesie paranili strałoj u šyju
Jak vyśvietliłasia, u hety dzień kampanija z čatyroch čałaviek vybrałasia na rybałku. Dziela zabavy mužčyna 1977 hoda naradžeńnia prychapiŭ z saboj łuk, kab pastralać pa butelkach. Zbroja trapiła ŭ ruki da maładoha čałavieka 1996 hoda naradžeńnia. Toj stralaŭ vielmi niaŭmieła, što vyklikała śmiech u jaho tavaryšaŭ. Paśla adnaho ź niaŭdałych strełaŭ paciarpieły staŭ na liniju ahniu i ŭziaŭ u ruki butelku. U maładoha čałavieka jakraz była naciahnuta cieciva, ź jaho słoŭ, jon nie chacieŭ stralać, ale paśla čarhovaha paproku palcy raścisnulisia, a strała palacieła ŭ šyju paciarpiełamu.
Małady čałaviek — hramadzianin Rasijskaj Fiederacyi, tamu paśla incydentu pasprabavaŭ źjechać na radzimu. Jaho źniali ź ciahnika až u Dobrušy. Raspačataja kryminalnaja sprava.
Stan paciarpiełaha stabilna ciažki.
